Babul Ki Duayen Leti Ja Lyrics – Neel Kamal

Babul ki duayen leti ja
Ja tujhko sukhi sansar mile
Babul ki duayen leti ja
Ja tujhko sukhi sansar mile

Maike ki kabhi na yaad aaye
Sasuraal mein itna pyar mile
Babul ki duayen leti ja
Ja tujhko sukhi sansar mile

Naazon se tujhe paala maine
Kaliyon ki tarah phoolon ki tarah
Bachapan mein jhulaya hai tujhko
Baahon ne meri jhoolon ki tarah

Mere baag ki aye naazuk daali
Tujhe harpal nayi bahaar mile
Maike ki kabhi na yaad aaye
Sasuraal mein itna pyar mile

Jis ghar se bandhe hain bhaag tere
Us ghar mein sada tera raaj rahe
Hothon pe hansi ki dhoop khile
Maathe pe khushi ka taj rahe

Kabhi jiski jyot na ho pheeki
Tujhe aisa roop singaar mile
Maike ki kabhi na yaad aaye
Sasuraal mein itna pyar mile

Beete tere jeewan ki ghadiyan
Aaram ki thandi chhaanv mein
Kaanta bhi na chubhne paaye kabhi
Meri laadli tere paanv mein

Us dwar se bhi dukh door rahe
Jis dwar se tera dwar mile
Maike ki kabhi na yaad aaye
Sasuraal mein itna pyar mile
Babul ki duayen leti ja